«Ана» туралы өлең . Автор: Гульнуз Жетписова
Әйел – сұлу, әйел – Ана, жалғаушы,
Арманымен әлем шарлап самғаушы.
Қанаттарың ешқашанда талмасын,
Көркемдіктің көрмесіндей таңдаушы.
Талмайсың бір күйбің тірлік өмірде,
Бала әкеліп, бақыт сыйлап өмірге.
Жақсылыққа лайық жандар, әйелдер,
Ұрпақ жалғап жасай бергін, жеңілме.
- Ұшан – теңіз тілектер көп тіл жетпес,
Адал ниет жүректер көп кірлетпес.
Соның бәрін саған тілеймін бір өзіңе,
Болсын бастан өмір бойы күн кетпес.
