Қөңілді қыс

 

Мақсаты: Қыс мезгілі туралы түсініктерін кеңейту, өзіне тән ерекшеліктерін ажырата білуге, өз ойын толық жеткізе білуге үйрету.Қысқы ойындарға қажетті құралдарды атау.Табиғатты аялауға тәрбиелеу.

Әдіс-тәсілдері:Әңгімелесу, түсіндіру, сұрақ-жауап, ғажайып сәт, ойын, сергіту сәті.

Көрнекілігі: Мазмұнды суреттер, аққала, ойынға қажетті заттар.

Тәрбиеші: Балалар, күн салқын болсада біздің жүрегіміз жылы, ендеше жүрегіміздегі жылулығымызды жан-жаққа шашып, жылулық шеңбер құрып, келген қонақтарымызбен амандасайық.

Мейірімді жүрекпен,

Ақ пейілді тілекпен,

Амандасып алайық.

Бір жадырап қалайық,

Келіп қалған қонақтарды

Қошеметпен қарсы алайық.

Тәрбиеші: Балалар, мен сендерге өлең жолдарын оқығым келіп тұр.

Шанамен зырғып келетін,

Коньки шанғы тебетін,

Аққала жасап ойнайтын,

Қай мезгіл деп ойлайсыңдар балалар?

Балалар: Қыс мезгілі

Тәрбиеші: Жарайсыңдар балалар, қыс мезгілінде табиғатта қандай өзгерістер болады?

Балалар: Қар жауады, аяз болып боран соғады.

Тәрбиеші: Ендеше боран соққанын қимылмен көрсетеміз?

(Балалар қолдарын жоғары көтеріп, гуілдейді)

Тәрбиеші: Қатты аяз болып тоңғанда не істейміз?

(Қолдарын қусырып, аяқтарын топырлатады)

Тәрбиеші: Ал күн шыққанда не істейсіңдер?

(Алақай, деп қолдарын көтереді)

Тәрбиеші: Жарайсыңдар балалар! Енді қыс мезгіліндегі айлардын атын атайықшы.

Балалар: Желтоқсан, қаңтар, ақпан.

Тәрбиеші: Желтоқсан — жылдың аяғы, қыстың басы суық ызғарлы.

Қаңтар — жыл басы, қыстың ортасы, ол ең қарлы ай, бұл айда қатты суық, үскірік аяз болады.

Ақпан — жел мен боранның айы. Бұл айда ең ауыр, әрі суық, дүлей боранды.

Тәрбиеші: Балалар біз тоңбас үшін үстімізге қандай киім киеміз?

Қане, іс-қимылмен көрсетейікші

(Балалар іс-қимылмен көрсетеді)

Балалар: Бас киім, үстімізге тон, аяғымызға етік, қолымызға қолғап киеміз.

Тәрбиеші: Балалар, енді қандай ойын ойнаймыз.

Балалар: Қар лақтырып, аққала жасап, шанамен сырғанақ тебеміз.

Тәрбиеші: Балалар сендердің денсаулықтарың мықты болу үшін таза ауада ойнауларың керек. Ойын арқылы денелерің шынығады.

Тәрбиеші: Балалар біздер қыс мезгілінде қандай мерекелер тойлаймыз?

Балалар: Жаңа-жыл!

Тәрбиеші: Дұрыс айтасыңдар сонымен қатар 16-шы желтоқсан –Тәуелсіздік күнін, 1-ші желтоқсан –Елбасы күнін тойлаймыз!

Балалар мынау ненің суреті?

Балалар: Аққала

Тәрбиеші: Аққала неден жасалады?

Балалар: Қардан

Тәрбиеші: Қане барлағымыз қарды қолмен ұстап көрейік.

Балалар: қарды қолмен ұстап көреді.

Тәрбиеші: Түсі қандай?

Балалар: Ақ

Тәрбиеші: Қар мұздай ма, жылы ма?

Балалар: Мұздай

Тәрбиеші: Аққала неше бөліктен тұрады?

Балалар: Үш бөліктен тұрады

Тәрбиеші: Оның бөліктерінің пішіндері қандай?

Балалар: Дөңгелек

Ойын: «Қар жинау»

Ойын шарты: Қар ерімей тұрып, шелекке тез жинау керек.

Тәрбиеші: Жарайсыңдар, бәрекелді!

Балалар бізге аққаламыз құр келмепті, тапсырмалар алып келіпті.

Аққала:1.тапсырма: Балалар сендерге қыс мезгілі ұнайма?

Қыс мезгілінің ұнайтын және ұнамайтын жақтарын айтыңдаршы?

Балалар: Ұнайтын жағы: жаңа-жыл келеді, шаңғы, конки тебеміз,

шанамен сырғанаймыз, қар жауады, аққала жасаймыз.

Ұнамайтын жағы:Қатты аяз болады, суық жел тұрады, боран соғады.

Тәрбиеші: Жарайсыңдар, балалар. Енді барлығымыз бірге сергіту сәтін орындап, бір сергіп алайық.

Шынығамыз бәріміз,

Иіліп бүгіліп, денеміз.

Хоккейді де ойнаймыз,

Шаңғы да тебеміз.

Әрлі-берлі жол салып,

Қар лақтырып ойнаймыз.

Қорықпаймыз аяздан,

Спортшы болмай қоймаймыз.

2.тапсырма:Кім қыс туралы тақпақ біледі? (балалар тақпақ айтады)

Тәрбиеші: Қане, балалар, ойын ойнайық, аққаламыздың суретін құрап берейік.

Ойын: «Аққала құрастыру»

Балалар, үйден ата-аналарымызбен салып келген суреттерімізді аққаламызға, қонақтарымызға таныстырайық.

Аққала: Жарайсыңдар балалар, менің тапсырмаларымды орындадыңдар!

Рахмет! Балалар, сендер өте ақылды, өнерлі тапқыр екенсіңдер! Топтарың ыстық екен мен жылы жерде көп тұра алмаймын, еріп бара жатқан сияқтымын. Еріп кетпей тұрғанда қайтайын.Өзіммен бірге алып келген сандықшаммен сыйлықтарымды берейін. Балалар, мен сендермен қоштасамын, келесі жылы кездескенше сау болыңдар!

Тәрбиеші: Балалар аққаламен қоштасайық! (балалар аққаламен қоштасады)

Қортынды: Балалар, бүгін біз жылдың қай мезгілі туралы әңгімелестік?

Қыс мезгілі.

Бізге бүгін қонаққа не келді?

Аққала.

Барлығыңызға ұнадыма?

Иә.

Жарайсыңдар, енді келген қонақтарымызбен қоштасайық.

«Жүректен-жүрекке»

Балдай тәтті баламыз,

Айтқан тілді аламыз.

Ойынменен өседі,

Ойымызбен санамыз.

Қол ұстассақ бәріміз,

Жарасады сәніміз.

Көріскенше күн жақсы,

Сау болыңыз бәріңіз

 

Читайте также:

Добавить комментарий

Ваш адрес email не будет опубликован. Обязательные поля помечены *