Қандай доп? 1 cынып қазақ тілі
| Сабақ № 4. «Қандай доп?» | Қ.Өскенбай атындағы Қима орта мектебі | ||
| Күні, айы: | Мұғалімнің аты-жөні: Ибраева Г.Т. | ||
| 1-сынып | Сабаққа қатысқан оқушылар саны: | Сабаққа қатыспаған оқушылар саны:
| |
| Сабақ мақсаты: | Сөйлеу барысында танысу, өзі туралы айту және затты сипаттау үшін сөздер мен сөз тіркестерін қолдану.
| ||
| Күтілетін нәтиже: | Барлық оқушылар: Түстерді (ақ,қара,қызыл,сары,жасыл,қоңыр,көк) атай алады және түстерді сабақта меңгерген зат атауларымен байланыстыра қолдана алады (қызыл қарындаш, жасыл доп). Оқушылардың басым бөлігі: Қандай?сұрағына түс атауларын қолданып сұраққа дұрыс жауап бере алады. Қандай да бір заттың түсін атай алады. Кейбір оқушылар: Басқа да түстер қатарын атай алады, оларды өмірлік жағдаятта еркін қолдана алады.
| ||
| Сабақ барысы | |||
| Сабақтың кезеңдері | Жоспарланған жұмыс | Ресурстар | |
|
Сабақтың барысы (1-6) минут | Ұйымдастыру кезеңі. Амандасу. Психологиялық дайындық. Сыныпты түгендеу.Сабақтың басталуына жағымды ықпал ететін көңіл күй қалыптастыру. (Оқушылар ортақ шеңбер құрып, ынтымақтастық орта құрайды). Ақпыз, сары, қарамыз Бәріміз де баламыз, Бір ауылда тұрамыз, Бір мектепке барамыз! | Интербелсенді тақта. | |
|
Өткен тақырыптар-ды қайталау (сұрақ-жауап)
Сабақтың ортасы (7-35 минут) | -Балалар, бұл не? -Бұл – кітап (дәптер, қалам, қарындаш, сызғыш, текше, доп). -Карина, маған кітап берші. -Міне, ал! -Никита, маған текше берші. -Міне, ал. -Рақмет!
Жаңа сабақ: 1. Бейнесюжет көрсету. -Балалар, бұл видео не туралы? -Түстер туралы. -Қандай түстерді білесіңдер? -Қызыл, жасыл, сары, көк, қоңыр, т.б. -Бұл не? -Бұл – доп. -Ендеше балалар, бүгінгі сабағымыздың тақырыбы: «Қандай доп?» «Доп – Мяч – boll».
2-тапсырмада оқушылар түстерді басқа заттармен байланыстыра қолдануды үйренеді. Берілген үлгі бойынша доп туралы айтады. Үлгі: Бұл-сары доп. Бұл- қызыл доп.
3-тапсырма: Тыңда. Оқы. Қайтала. Аудар. Үш қызыл доп. Бес сары доп. Жеті жасыл доп. Екі ақ доп. Үш қара доп.
Сергіту сәті: білетін өлең-тақпақтарды қайталайды. Қолды белге қояйық, басты оңға бұрайық! Басты солға бұрайық! Бір отырып, бір тұрып, Бір демалып алайық!
4-тапсырмада оқушылар жұппен жұмыс істейді. Берілген үлгі бойынша екі бала сөйлеседі. Ол үшін мен алдын ала екі-үш түсті доп немесе қарындаш, текше дайындап қоямын. Бірінші оқушы доптардың қасында тұрады, екінші бала оның қасына келеді. Олар бір-бірімен амандасады. Содан кейін екінші бала бірінші баладан қандай да бір түсті доп беруін сұрайды. Бірінші бала оған сол допты алып береді (Міне, ал). Екінші бала оған рақмет айтады. Үлгі: -Сәлем! –Сәлем! –Маған сары доп берші! –Міне,ал. –Рақмет!
Балалар сурет арқылы есеп шығарады. 5-тапсырма: «Неше болады?» ойын. ( Сандармен жұмыс). Үш доп + екі доп = ? Екі текше + төрт текше = ? Үш қарындаш + төрт қарындаш = ?
Дәптердегі тапсырмаларды орындау арқылы оқушылар оқулықпен жұмыс барысында алған білімдерін бекіте түседі. |
Түстер туралы бейнесюжет.
№ 1 жұмыс дәптері. | |
| Сабақтың соңы: (40-45 минут)
| Кері байланыс: «Арқан тарту» ойын арқылы сабақты бекіту. -Бұл қандай доп? -Бұл – ақ (қара, қызыл, сары, көк, қоңыр) доп. -Менде қоңыр доп бар. -Маған қоңыр доп берші. -Міне, ал. -Рақмет! -Жарайсыңдар, балалар! -Сабақ аяқталды, сау болыңдар!
| ||