«Теңіз әлеміне саяхат»
Білім беру саласы : «Денсаулық»
Бөлімі: «Дене шынықтыру»
Тақырыбы: «Теңіз әлеміне саяхат»
Тәрбиеші: Текешова А.Н.
Мақсаты: Баланың бойындағы қозғалыс белсенділігін дәстүрлі емес құрал жабдықтарды пайдалана отырып қалыптастыру.Дәстүрден тыс жабдықтардың қосымша маңызды екенін түсіндіру. Денсаулық сақтау технологиясын қолдана отырып балалардың қимылдық белсенділігін дамыту жəне дене жаттығуларын орындауға қызығушылықтарын қалыптастыру.
Міндеттері
- Денсаулықты нығайтуға ықпал ететін дене сапаларын: ептілік, төзімділік, икемділік, шапшаңдық, үйлесімділікті дамыту;
- Жүру, жүгіру, секіру, лақтыру мен қағып алу, еңбектеу мен өрмелеудің негізгі қимыл түрлеріндегі қарапайым дағдыларды дәстүрден тыс құралдарды пайдалана отырып орындауды қалыптастыру;
- Мəдени-гигиеналық дағдыларын қалыптастыру;
Тәрбиеші: Балалар бізге қонаққа көп апайлар келді. Қане,қонақтармен амандасайық.
Салем менің көздерім,
Салем менің беттерім,
Салем менің құлақтарым
Салем менің қолдарым
Салем менің аяқтарым.
Саламатсыздар ма апайлар.
Тәрбиеші: Балалар біз бүгін теңізге саяхатқа барамыз. Саяхатқа шықпас бұрын денемізді шынықтырып алайық.Жүрудің түрлерін орындап теңізге жетеміз.
-Балалар кең адымдап жүреді.
-Аяқтың ұшымен жүру.
-Өкшемен жүру.
-Ізді жолмен жүру.
Балалар теңізге жеттік, бірақ теңізге шығу үшін бізге күш қажет.Ол үшін денемізді шынықтырумыз қажет.
Жаттығулар:
1.Б.қ. Қолды белге қойып басымызды оңға,солға айналдырайық.
2.Б.қ. Қолымызды иыққа қойып алға,артқа айналдырайық.
3.Б.қ. Қолды алдыға созып қайшы жасаймыз.
- Б.қ. Қолды белге қойып оңға,солға иілеміз.
- Б.қ.Қол белге қойып отырып тұрамыз.
Ал,балалар енді тыныс алу жаттығуын жасайық.
Тыныс алу жаттығуы:
Тыныстаңдар тереңнен
Қане, «Ү-п!»-деп айтайық,
Демді ішке тартайық.
Енді «У-һ!»-деп айтайық,
Демді шығар қайтарып.
Бәрекелді,балалар.
Енді теңіз түбіне саяхатымызға аттанайық. Слайдпен көрсету.
Ол үшін қарама – қарсы отырып су түбіне сүнгейік.
Екі аяғын құшақтап,тербелу.
-Жарайсыңдар! Міне теңіз түбіне де жеттік. Балалар қараңдаршы теңізде шаяндар жүзіп жүр екен. Қане,бізде солар сияқты жүзейік.
Балалар бір-біріне қарама-қарсы жатып, бір-бірлерінің қолдарын ұстап, аяқтарының ұшымен,белдерін көтеріп оңға,солға жүреді.
Балалар қараңдаршы жанымыздан мейрімді дельфиндер өтіп бара жатыр.
Қане сендерде солар сияқты жүзіп көріңдер.
Балалар қолдарымен ұстасып аунайды.
Балалар теңіз түбінде теңіз жұлдыздары болады екен. Қане,олармен амандасайық.
Балалар іштерімен жатып,денесін көтеріп,қолдырын былғайды.
-Жарайсыңдар! Балалар жанымыздан не жүзіп бара жатыр?(Жылан)
Қане, бізде жыланша жүзіп корейік. Балалар алдыға,артқа ирелеңдеп өрмелейді.
Балалар теңіз тасбақасы да жүзіп жүр екен.Қане,бізде сол секілді жүзейік.
Балалар кедергілер арасымен тізерлеп жүреді.
-Жарайсыңдар!
Балалар қараңдаршы мынау не? (Теңіз аттары)
Теңіз аттары қалай жүзіп бара жатыр?Қане,бізде солар секілді жүзейік.
Балалар теңіз аттарының қимылын жасайды
Балалар сегіз аяқ аяқтарына жаттығу жасап жатыр екен.Қане,біздерде аяқтарымызға жаттығу жасайық.
Отырғышқа отырып аяқтарына жаттығу жасау
-Жарайсыңдар!Міне,теңіздің жағалауына да жетіп қалыппыз.Жағалауда нелер жүр.(Пингвиндер).
Олай,болса біздер екі аяқтың ортасына допты қысып алып,пингвиндер секілді жүрейік.
Пингвиндер мұздан-мұзға, іздермен, жыралармен жүреді екен.Қане,бізде солар секілді жүріп көрейік.
-Жарайсыңдар! Балалар теңіз бетінде шағалалар ұшып жүр екен. Қане бізде солар секілді ұшайық.
Ойын: «Шағала»
Балалар музыкалық әуенді тыңдай отыра ұшасыңдар, егер қатты толқын соқса барлығын менің қасыма жүгіресіңдер.
-Жарайсыңдар!
-Балалар, жел соққан кезде теңіз бетінде не пайда болады?
-Толқын пайда болады.
-Олай болса, қазір біз толқын ойын ойнайық.
«Толқын» қ/қ ойыны.
Шарты: Балаларға матанын жиегінен ұстату, әр түрлі қимылдар жасау.
«Толқын» дегенде теңіздегі толқын тәріздес шатырды қозгау. «Жаңбыр жауды» дегенде шатырға жаңбырдан қорғану, аяқтарын тырсылдатып,жаңбыр дыбысын шығару
«Жарқырап күн шықты» дегенде қолшатырдан шығып отыру.
-Жарайсыңдар,балалар! Ал,енді тобымызға қайтайық.
-Балалар сендерге саяхат ұнады ма?
-Ұнады.
-Біз қайда бардық?
-Теңізге бардық.
— Онда не істедік?
-Ойын ойнадық,жаттығу жасадық,қайықпен жүздік,балықша жүздік.
Сабаққа белсенді қатысқандарың үшін рахмет.
